【饮食擂台AB】 重口味 波子汽水 咖喱斗泡菜
2020-06-13
波子汽水 有原味或果味好正常啦，係咪先？但若然我话你知， 波子汽水 进化到有咖哩味和泡菜味，你又敢唔敢试？近日就在便利店发现这两款 重口味 波子汽水，今次就等我地做烈士，比拼下佢哋边个好饮啲、边个伏啲！
A代表: 大阪咖哩味波子汽水
一打开无乜咖喱味涌出嚟，要大力用鼻去闻先有少少咖喱香料味，倒出来浅黄色，比忌廉汽水深色一点。
记者点睇？
「净係饮到甜味，味道和忌廉、雪碧汽水近似，有微微辛辣感觉，易入口，饮多几啖都OK。」
烈士一号：「甜甜地，似姜啤的味道。」
烈士二号：「有点像沟淡了的可乐味，接近Coke Zero，闻到类似印度、茴香的香料味。」
烈士四号：「这个咖喱很轻剂量，无乜料到。」
呢位同事话似雪碧，甜甜地几好饮。味道：★★★☆☆
中伏指数：★☆☆☆☆
价钱：★★★★☆ (单售：$10/支)
B代表：泡菜味波子汽水
红卜卜的汽水、好似化学色素；撕开招纸已经有点唔对路，一开盖轰来一股浓烈蒜头味，十步之内都闻到，可想而知有几 重口味 。
记者点睇？
（饮到面容扭曲、再倒抽一口凉气）
「好似食咗成粒蒜头咁，但係又甜甜地，很奇怪。After-taste的反攻先大镬，可唔可以俾粒香口胶我？」
烈士一号：「哗，好似烧元宝蜡烛香那种烟味，又酸，好得人惊呀。」（差啲以为这位同事饮完有幻觉）
烈士二号：「饮到泡菜味呀，唔错！几得意，都唔辣，饮完都唔觉有唔舒服。」
烈士四号：「这些泡菜係咪腌得太耐、过咗期呀？」
这位烈士斋闻都已经唔想饮喇
饮到样都变埋！
但係佢又饮得好开心，仲嫌唔够辣添。
味道：★☆☆☆☆
中伏指数：★★★★☆
价钱：★★★★☆ (单售：$10/支)
好彩烈士们饮完无出事，可以进入投票时间，结果咖喱味以４票胜出，大家都话可以接受，饮得过。仲有一票去咗边？就係其中一位同事选择了泡菜味，佢仲话刺激啲，识饮一定係饮泡菜味。大家都好欣赏他的胆色，不过论重口味和中伏程度，确实泡菜味比较危险。勇者们，你又会拣边样？
销售点：全线OK便利店
上一篇：
【饮食小调查】 闺密BBQ 冇难度!!! 7个必学烧烤秘诀
下一篇：
【饮食擂台AB】麒麟 Frozen Beer 青瓜vs西柚